Darren, nakarelasyon sina Kyline at Jayda

Nagkaroon ng espesyal na ugnayan sina Darren Espanto at Kyline Alcantara ilang taon na ang nakalilipas.

Maituturing umanong ‘puppy love’ ng singer kung ano man ang namagitan sa kanila ng Kapuso actress. “Hindi ko po masagot ng yes or no kasi it was a puppy love kind of thing. Yeah before, when we were younger in the past,” pagtatapat ni Darren sa amin sa Fast Talk with Boy Abunda.

Kamakailan ay naging panauhin si Kyline sa It’s Showtime kung saan isa sa mga host si Darren. Tinukso ni Vice Ganda noon ang aktres na parang may kaugnayan sa singer. “Kasi nga naging kami dati like a year, a year and a half. So, kaya binibiro kami ni Ate Vice,” dagdag pa ng singer.

Nagkaroon ng hindi pagkakaintindihan sina Darren at Kyline noon kaya nagkahiwalay.

Ayon sa binata ay muli silang nakapag-usap ng aktres pagkalipas ng maraming taon. “There was some misunderstanding. Misunderstanding talaga kasi siyempre kapag mga bata parang konting mga petty na away. And then when we both matured, parang six years later napag-usapan na namin and eventually we became okay with each other again. Naging friends ulit kami,” pagbabahagi ni Darren.

Matatandaang naugnay din noon ang singer sa nag-iisang anak nina Jessa Zaragoza at Dingdong Avanzado na si Jayda Avanzado. Ipinagtapat sa amin ni Darren na nagkaroon sila ng ugnayan ni Jayda noon. “Opo, there definitely was. But ‘yon lang ang masasabi ko. We’re still friends until now. Jayda and I have been friends since we were younger din po. Jayda and I are still friends naman. For me, we’d like to keep it private as well ‘yung mga things from the past,” giit niya.

Samantala, ilang taon na ring nauugnay si Darren kay Cassy Legaspi.

Kamakailan ay napabalitang nag-away diumano ang singer at ang aktres. “Hindi po, nagulat po ako na ‘yon po ang mga lumalabas. I had an interview recently and clarified that We’re best friends and people kind of misunderstood the whole situation. So, I messaged Cass right away. After that interview, I think there were some IG stories from Tita Carmina and Cass. And they kind of stitched it together, the netizens. That’s something I clarified with her like, ‘If you’re mad at me, if I did anything wrong, please tell me.’ Kasi gano’n naman po kami ever since. She doesn’t have any ill feeling towards me, she and her family. We’re so close already. We would never try beat around the bush. We would just ask each other directly at this point,” paglilinaw ni Darren.

Iginiit ng singer na wala siyang karelasyon sa ngayon. “Opo, Cass and I have always been friends po. We became closer during the pandemic. Until now we’re best friends. The rest of the details, sa amin na lang po,” pagtatapos ng singer. (Reports from JCC)