Xian Lim, may inamin at itinanggi tungkol sa kanila ni Iris Lee

May inamin at itinanggi ang Kapuso actor na si Xian Lim tungkol sa kanila ng film producer na si Iris Lee.

Sa special feature ng Esquire magazine, sinabi ni Xian na, “Yes, I’m seeing Iris.”

Inilarawan niya si Irs na isang talented filmmaker at creative partner.

Paglilinaw ni Xian, nagsimula silang mag-date ni Iris matapos silang maghiwalay ni Kim Chiu.

BASAHIN: Kim Chiu, payag kayang makatrabahong muli ang ex-boyfriend na si Xian Lim?

Wala rin umanong third party sa breakup nila ni Kim.

Itinanggi naman ni Xian na kasal na siya.

“Another rumor: when I see my friends—the people who are the last to even care about these things—kino-congratulate na ko. They say, ‘Congratulations on the marriage in New York!’ And I’m like, no, I am not married,” ayon sa aktor.

Wala rin daw katotohanan na may kinakasama na siya.

“The only people I live with is my mom, my lola, my lolo. These are the things na, parang, it’s just so absurd and it’s just…why?!” patuloy ni Xian.

“Things happen in life that we’re not going to be able to control. And as much as we don’t want it to happen, life happens. And it just pains me na parang may mga taong nadamay. That just really saddens me and that’s very unfortunate,” patuloy ng aktor.

Sa ngayon, sinabi ni Xian na pareho silang busy ni Iris.

“She doesn’t deserve all that flak. We don’t deserve that because all the things na people are saying, there’s no truth to any of it,” giit niya.

Disyembre nitong nakaraang taon nang kumpirmahin nina Xian at Kim ang kanilang paghihiwalay.

Hindi binanggit ng dalawa ang dahilan ng kanilang paghihiwalay na tumapos sa 12 taon nilang relasyon.

Nitong nakaraang Pebrero, nakita si Xian sa isang riding school na kasama si Iris at ilang kaibigan.—FRJ, GMA Integrated News